Plantun de Prouvènço

Pèr coumpara dos planto d'encò nostre

Sagittaria sagittifolia & Posidonia oceanica

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Peloto-de-mar

Posidonia oceanica

Posidoniaceae

Autre noum : Grame-de-mar.

Nom en français : Posidonie.

Descripcioun :
Lou grame-de-mar s'amoulouno en ribo de mar. Se pòu retrouba peréu en peloto un cop bourroulado pèr lou vènt. Es uno planto marino que fai de grands "erbié" bonodi soun rizoumo espès. Li fueio, en riban, soun larjo de 6 à 15 mm. L'enflourejado èi pourtado pèr un pecou de 10 à 25 cm e fai uno espigo caupudo dins dos fueio bratealo. La flour di 3 estamino e/o emé un ouvàri èi dins uno espato. Au fru ié dison l'óulivo de mar.

Usanço :
Es uno planto proutegido forço impourtanto pèr la counservacioun de la bioudiversita marino.

Port : Grando erbo
Taio : 20 à 60 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Posidonia
Famiho : Posidoniaceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 3 à 5 cm
Flourido : Estiéu - Autouno

Sòu : Ca
Autour basso e auto : -40 à 0 m
Aparado : Vo
Setèmbre à nouvèmbre

Liò : Aigo - Mar
Estànci : Termoumediterran
Couroulougi : Mediterrano
Ref. sc. : Posidonia oceanica (L.) Delile, 1813

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

CCC

ges

Sagittaria sagittifolia & Posidonia oceanica

ges

Coumpara Flècho-d'aigo emé uno autro planto

Coumpara Peloto-de-mar emé uno autro planto